Prokuroria nesër do t’ia dorëzojë familjes Dehari raportin rreth vdekjes së Astrit Deharit, që është përgatitur nga një institut i mjekësisë ligjore në Zvicër.
Familja e aktivistit të Vetëvendosjes, Astrit Dehari, që vdiq në qendrën e paraburgimit në Prizren tri vjet më parë, do të marrë nesër raportin që ka ardhur ditë më parë ka ardhur nga Instituti i Mjekësisë Ligjore i Lozanës.
Avokati i familjes Dehari, Tomë Gashi, ka thënë se Prokuroria do t’ua dorëzojë raportin të enjten në orën 10:00.
“Nesër më 24.10.2019 në orën 10.00h në Prokurorinë Themelore në Prizren do marrim raportin e Institutit Zvceran të Mjekësis ligjore. Unë do te jem aty së bashku me Prindet e Astrit Deharit”, ka shkruar Gashi, transmeton Gazeta Express.
Familja Dehari janë ankuar së fundmi sepse prokuroria nuk pranoi t’ia dorëzojë raportin e ardhur nga Zvicra pa e përkthyer në shqip.
Prindërit e Astrit Deharit kishin kërkuar që një institut i mjekësisë ligjore në shtetin e Zvicrës të nxjerrë raport mbi rrethanat e vdekjes së djalit të tyre, pasi nuk u besonin institucioneve në Kosovë.
Nga raportet e mjekësisë ligjore në Kosovë është thënë se Astrit Dehari ka kryer vetëvrasje, ndërsa familjarët, avokati i tij dhe Lëvizja Vetëvendosje nuk i besojnë kësaj.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...